மறைந்த தமிழ்த் தேசியக் கட்சியின் செயலாளர் சிவாஜிலிங்கத்தின் இறுதிக் கிரியைகள் நாளை..!

தமிழ்த் தேசியக் கட்சியின் செயலாளர் நாயகமும், முன்னாள் நாடாளுமன்ற உறுப்பினரும், முன்னாள் மாகாணசபை உறுப்பினரும், வல்வெட்டித்துறை நகரசபையின் முன்னாள் தலைவரும், தமிழ்த் தேசியப் பற்றாளருமான M.K. சிவாஜிலிங்கத்தின் இறுதிக்கிரியைகள் நாளை (16) நடைபெறும்.

அன்னாரின் இறுதிக்கிரியைகள் நாளை காலை 10.00 மணிக்கு, வீட்டு கிரியைகள் அவர் வசித்து வந்த வல்வெட்டித்துறை, நெடியகாடு, கல்றோட் வீதியிலுள்ள இல்லத்தில் நடைபெறும்.

அதனைத் தொடர்ந்து, நண்பகல் 12.00 மணியளவில் வல்வெட்டித் துறை சந்தியில் அன்னாரின் பூதவுடல் பொதுமக்களின் அஞ்சலிக்காக வைக்கப்பட்டு, அஞ்சலி உரைகளும் இடம்பெறும்.

பின்னர், அன்னாரின் பூதவுடல் வல்வெட்டித்துறை ஊறணி இந்து மயானத்திற்கு எடுத்துச் செல்லப்பட்டு தகனம் செய்யப்படும்.

அன்னாரின் பூதவுடல் தற்போது வல்வெட்டித்துறை, நெடியகாட்டில் அமைந்துள்ள அவரது இல்லத்தில் அஞ்சலிக்காக வைக்கப்பட்டுள்ளமை குறிப்பிடத்தக்கது.