பொதுபல சேனா அமைப்பின் பொதுச் செயலாளர் ஞானசார தேரர் கைது..!

பொதுபல சேனா அமைப்பின் பொதுச் செயலாளர் கலகொடஅத்தே ஞானசார தேரர் கைது செய்யப்பட்டுள்ளார்.

நீதிமன்றத்தால் கைது பிடியாணை பிறப்பிக்கப்பட்டிருந்த நிலையில் தினியாவல பகுதியில் உள்ள வனவாச ஆசிரமம் ஒன்றில் வைத்து சற்று முன்னர் கைது செய்யப்பட்டுள்ளார்.

குறித்த கைது நடவடிக்கை இன்று (03.10.2026) இடம்பெற்றுள்ளது.

அவரை கைது செய்து நீதிமன்றத்தில் முன்னிலைப்படுத்துமாறு முன்னதாக மேன்முறையீட்டு நீதிமன்றம் திறந்த பிடியாணை பிறப்பித்திருந்தது.

குறித்த திறந்த பிடியாணையின் அடிப்படையிலேயே ஞானசார தேரர் கைது செய்யப்பட்டுள்ளதாக தெரிவிக்கப்பட்டுள்ளது.

நீதிமன்ற அவமதிப்பு வழக்கில் பொது பல சேனா அமைப்பின் பொதுச் செயலாளர் கலகொடஅத்தே ஞானசார தேரருக்கு முன்னாள் ஜனாதிபதி மைத்திரிபால சிறிசேன வழங்கிய பொது மன்னிப்பை உயர் நீதிமன்றம் அண்மையில் இரத்து செய்திருந்தமை குறிப்பிடத்தக்கது.