வடக்கு மாகாண பிரதம செயலாளராகத் தற்போதைய ஜனாதிபதி செயலகத்தின் மேலதிக செயலாளர் எல்.இளங்கோவன் விரைவில் நியமிக்கப்படவுள்ளார்.
வடக்கு மாகாணத்தில் ஆளுநரின் செயலாளர், கல்வி அமைச்சின் செயலாளர் பதவிகளில் பணியாற்றிய நிலையிலும், நீண்ட காலம் தொடர்ச்சியாக வடக்கில் பணியாற்றியவர் என்பதன் அடிப்படையில் கொழும்புக்கு அவர் விடுவிக்கப்பட்டிருந்தார்.
இந்த நிலையில், கடந்த இரண்டு ஆண்டுகளாக ஜனாதிபதி செயலகத்தின் மேலதிக செயலாளராகப் பணியாற்றும் எல்.இளங்கோவன் வடக்கு மாகாண பிரதம செயலாளராக நியமிக்கப்படவுள்ளார்.
அதேவேளை தற்போதைய பிரதம செயலாளர் சமன் பந்துலசேன கொழும்புக்கு மாற்றப்படும் சாத்தியம் காணப்படுவதுடன் வடமாகாணத்தின் இன்னும் சில உயர் பதவிகளிலும் மாற்றம் வரும் சாத்தியம் காணப்படுகின்றது
